МОЛИТВОСЛОВ ПРАВОСЛАВНОГО ВОИНА

МОЛИТВЫ
ПЕРЕД СРАЖЕНИЕМ

Тропарь Кресту

(молитва за Отечество)

Спаси́, Го́споди, лю́ди Твоя́ и благослови́ достоя́ние Твое́, побе́ды на сопроти́вныя да́руя и Твое́ сохраня́я Кресто́м Твоим жи́тельство.

Кондак Кресту

Вознесы́йся на Кре́ст во́лею, тезоимени́тому Твоему́ но́вому жи́тельству щедро́ты Твоя́ да́руй, Христе́ Бо́же; возвесели́ нас си́лою Твое́ю, побе́ды дая нам на супоста́ты, посо́бие иму́щим Твое́, ору́жие ми́ра, непобеди́мую побе́ду.

Тропари

Го́споди Сил, с на́ми бу́ди: ино́го бо, ра́зве Тебе́, Помо́щника в ско́рбех не и́мамы. Го́споди Сил, поми́луй нас.

Всесвята́я Богоро́дице, во вре́мя живота́ мое́го не оста́ви мене́, челове́ческому предста́тельству не вве́ри мя, но Сама́ засту́пи и поми́луй мя.

Все упова́ние мое на Тя возлага́ю, Ма́ти Бо́жия, сохрани́ мя под кро́вом Твои́м.

Кондак Пресвятой Богородице

Взбра́нной Воево́де победительная, я́ко изба́вльшеся от злых, благода́рственная воспису́ем Ти, раби́ Твои́, Богоро́дице, но я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

Молитва ко Господу

Спаси́телю мой! Ты положи́л еси́ душу Свою́, во е́же спасти́ нас, Ты запове́дал еси и нам полага́ти ду́ши своя за дру́ги и за бли́жних на́ших. Те́мже ра́достно иду́ аз испо́лнити святу́ю во́лю Твою и поло́жити жизнь свою́ за Оте́чество. Вооружи́ мя кре́постию и му́жеством на одоле́ние враго́в, да́руй ми ве́ру тве́рдую и упова́ние, я́ко не умру, но жив бу́ду во Ца́рствии Твое́м. Аминь.

Молитва преподобного Симеона Нового Богослова

Не попусти́ мне, Влады́ко Го́споди, искуше́ние, или́ ско́рбь, или́ боле́знь свы́ше си́лы моея́, но изба́ви от них или́ да́руй мне кре́пость перенести́ их с благода́рностию.

Молитва о стране и воинстве

Го́споди Бо́же наш, послу́шавый Моисе́я, просте́рша к Тебе́ ру́це, и лю́ди Изра́илевы укрепи́вый на Амали́ка, ополчи́вый Иису́са Нави́на на брань и повеле́вый со́лнцу ста́ти: Ты и ны́не, Влады́ко Го́споди, услы́ши нас, моля́щихся Тебе́. Укрепи́ си́лою Твое́ю страну́ на́шу и во́инство ея́, бра́ни уми́ри и мир утверди́. Посли́, Го́споди, неви́димо десни́цу Твою, рабы́ Твоя́ заступа́ющую во всех; а и́мже суди́л еси́ положи́ти на бра́ни ду́ши своя́ за ве́ру и Оте́чество, прости́ согреше́ния их и в день пра́веднаго возда́яния Твоего́ возда́й венцы́ нетле́ния: Яко Твоя́ держа́ва, Ца́рство и си́ла, от Тебе́ по́мощь вси прие́млем, на Тя упова́ем, и Тебе славу возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

МОЛИТВЫ БЛАГОДАРСТВЕННЫЕ
ПОСЛЕ СРАЖЕНИЯ

Благодарю́ Тя, Го́споди Бо́же мой, я́ко прия́л еси́ моле́ние недосто́йнаго раба́ Твоего́ и посреде́ толи́ких бед сохрани́л мя еси́, в му́жестве творя́ща де́ло зва́ния моего́. Велича́я безме́рную Твою́ бла́гость, па́ки смире́нно молю́ Тя: да я́коже ны́не, та́ко и во пре́дняя яви́ши мя ве́рна защи́тника Оте́чества на́шего, от вся́каго зла́го обстоя́ния избавля́я. Сла́ва Тебе́, Бо́гу, Благода́телю на́шему, во ве́ки веко́в! Ами́нь.

Сла́ва Тебе́, Бо́же наш, сла́ва Тебе́.

ОКОНЧАНИЕ МОЛИТВ

Досто́йно есть я́ко вои́стинну блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй, Го́споди, поми́луй, Го́споди, поми́луй.

Го́споди, Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй нас. Ами́нь.

ВО ВРЕМЯ БЕДСТВИЯ
И ПРИ НАПАДЕНИИ ВРАГОВ

Тропарь

Ско́ро предвари́, пре́жде да́же не поработи́мся враго́м, хуля́щим Тя и претя́щим нам, Христе́ Бо́же наш: погу́би Кресто́м Твои́м борю́щия нас, да уразуме́ют, ка́ко мо́жет правосла́вных ве́ра, моли́твами Богоро́дицы, Еди́не Человеколю́бче.

Кондак

Возбра́нный Воево́до и Го́споди, а́да Победи́телю! Я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но яко име́яй милосе́рдие неизрече́нное, от вся́ких мя бед свободи́, зову́ша: Иису́се, Сы́не Бо́жий, поми́луй мя.

Псалом 90-й

Живы́й в по́мощи Вы́шняго, в кро́ве Бога Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Яко Той избавит тя от се́ти ло́вчи и от словесе́ мяте́жна, плещма́ Свои́ма осени́т тя, и под криле́ его́ наде́ешися: ору́жием обы́дет тя и́стина Его. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твоея́ ты́сяща и тьма́ одесну́ю тебе́, к тебе́ же не приближи́тся, оба́че очи́ма твои́ма смо́триши, и воздая́ние гре́шников у́зриши. Яко Ты, Го́споди, упова́ние мое́, Вы́шняго положи́л еси́ прибе́жище твое́. Не прии́дет к тебе́ зло, и ра́на не прибли́жится телеси́ твоему́, я́ко А́нгелом Свои́м запове́сть о тебе́ сохрани́ти тя во всех путе́х твои́х. На рука́х возму́т тя, да не когда́ преткне́ши о ка́мень ногу твою, на аспида и васили́ска наступиши и попере́ши льва и змия. Я́ко на Мя упова, и изба́влю: и́ покры́ю и́, Яко позна́ и́мя Мое́. Воззове́т ко Мне, и услы́шу его́: с ним есмь в скорби́, изму́ его́, и просла́влю его́, долгото́ю дней испо́лню его, и явлю́ ему спасе́ние Мое́.

Молитва Кресту Господню

Да воскре́снет Бог, и расточа́тся врази́ Его́, и да бежа́т от лица́ Его ненави́дящии Его́. Я́ко исчеза́ет дым, да исче́знут; я́ко та́ет воск от лица́ огня́, та́ко да поги́бнут бе́си от лица́ лю́бящих Бо́га и зна́менующихся кре́стным зна́мением и в весе́лии глаго́лющих: ра́дуйся, Пречестны́й и Животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода нашего Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́, Кре́ст Свой Честны́й, на прогна́ние вся́каго супоста́та. О Пречестны́й и Животворя́щий Кре́сте Госпо́день! Помога́й ми со Свято́ю Госпоже́ю Де́вою Богоро́дицею и со все́ми святы́ми во ве́ки. Ами́нь.

Стихиры Кресту Господню

Иже Кресто́м огражда́еми, врагу́ противля́емся, не боя́щеся того́ кова́рства, ни лови́тельства; я́ко бо го́рдый упраздни́ся, и попра́н бы́сть на Дре́ве си́лою распя́таго Христа́.

Крест Твой, Го́споди, освяти́ся, тем бо быва́ют исцеле́ния немощству́ющим грехми́; сего́ ра́ди Тебе́ припа́даем, поми́луй нас.

Господи, оружие на диавола Крест Твой дал еси нам, трепе́щет бо и трясе́тся, не терпя взирати на силу Его, яко мертвыя возставляет, и смерть упраздни; сего ради покланяемся погребе́нию Твоему и востанию.

О НЕНАВИДЯЩИХ
И ОБИДЯЩИХ НАС

Тропарь

О распе́нших Тя моли́выйся, любоду́шне Го́споди, и рабо́м Твои́м о вразе́х моли́тися повеле́вый, ненави́дящих и оби́дящих нас прости́, и.от вся́каго зла и лука́вства к братолю́бному и доброде́тельному наста́ви жи́тельству, смире́нно мольбу́ Тебе́ прино́сим; да в согла́сном единомы́слии сла́вим Тя, Еди́наго Человеколю́бца.

Кондак

Я́коже первому́ченик Твой Стефа́н о убива́ющих его́ моля́ще Тя, Го́споди, и мы припа́дающе мо́лим: ненави́дящих всех и оби́дящих нас прости́, во е́же ни еди́ному от них нас ра́ди поги́бнути, но всем спасти́ся благода́тию Твое́ю, Боже Всеще́дрый.

Молитва, умиревающая во вражде сущих

Благодари́м Тя, Влады́ко Человеколю́бче, Царя́ веко́в и Пода́теля благи́х, разру́шившаго вражды́ средосте́ние и мир пода́вшаго ро́ду челове́ческому, дарова́вшаго и ны́не мир рабо́м Твои́м: вкорени́ в них страх Твой и друг ко другу любо́вь утверди́, угаси́ вся́кую ра́спрю, отыми́ вся разногла́сия и собла́зны. Яко Ты еси́ мир наш, и Тебе́ славу возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Молитва
великомученика Феодора Стратилата

Го́споди Бо́же Всеси́льный, всех упова́ющих на ми́лость Твою́ не оставля́яй, но защища́яй их! Бу́ди мне ми́лостив и соблюди́ мя от пре́лести вра́жия Твои́м защище́нием, да не паду́ пред сопроти́вники мои́ми и да не пора́дуется враг мой о мне. Предста́ни мне, Спаси́телю мой, в по́двизесем за и́мя Твое́ свято́е. Ты ‚ мя укрепи́ и утверди́ и пода́ждь си́лу ста́ти му́жественно за Тя до кро́ве и положи́ти ду́шу мою́ по любви́ к Тебе́, я́коже и Ты, возлюби́в нас, положи́л еси́ на Кресте́ ду́шу Свою́ за ны. Ами́нь.

Молитва
мученика Евтропия Воина в ранах и страданиях

Бо́же Вседержи́телю, Благи́й и Ми́лостивый, Помо́щниче во узах и Пода́телю му́жественнаго терпе́ния в му́ках! Даждь нам терпе́ние в ра́нах сих и прииди́ на по́мощь к нам, я́коже к рабу́ Твоему́ му́ченику Фео́дору прише́л еси и помо́гл ему, и всеси́ильною Твое́ю по́мощию яви всем, Яко мы вои́стину Тя еди́наго и́мамы Го́спода Спа́са и Тебе́ Еди́ному покланя́емся, сла́вяще Тя со Отце́м и Святы́м Ду́хом во.ве́ки. Ами́нь.

МОЛИТВЫ СВЯТЫМ

Архистратигу Божию Михаилу

Святы́й и вели́кий Архистрати́же Бо́жий Михаи́ле, низпрове́ргий с Небесе́ диа́вола и во́инство его́! К тебе́ прибега́ем с ве́рою и тебе́ мо́лимся с любо́вию, бу́ди щит несокруши́м и забра́ло тве́рдо Святе́й Це́ркви и правосла́вному Оте́честву на́шему, огражда́я их молниено́сным мече́м твои́м от всех враг ви́димых и неви́димых. Бу́ди А́нгел Храни́тель, прему́др советода́тель и споспе́шник предводи́телем на́шим. Бу́ди во́ждь непобеди́м христолюби́вому во́инству нашему, венча́я его сла́вою и побе́дами над супоста́ты, да позна́ют вси, противля́ющиися нам, я́ко с нами Бог и святи́и А́нгели Его́. Ами́нь.

Мученику Иоанну Воину

О вели́кий Христо́в му́чениче Иоа́нне, правове́рных побо́рниче, враго́в прогони́телю, христолюби́ваго во́инства покрови́телю и оби́димых засту́пниче! Услы́ши нас, в беда́х и ско́рбех моля́щихся тебе́, яко дана́ ти бысть благода́ть от Бо́га печальны́я утеша́ти, немощны́м помога́ти, непови́нныя от напра́сныя сме́рти избавля́ти и за всех зле стра́ждущих моли́тися. Бу́ди убо и нам побо́рник кре́пок на вся ви́димыя и неви́димыя враги́ на́ша, я́ко да твое́ю по́мощию и побо́рством по нас посра́мятся вси явля́ющии нам злая. Умо́ли Го́спода на́шего, да сподо́бит ны, гре́шныя и недосто́йныя рабы Своя, полу́чити от Него́ неизрече́нная благая, я́же угото́ва лю́бящим Его́, в Тро́ице Святе́й сла́вимаго Бо́га, всегда́, ны́не и при́сно иво ве́ки веко́в. Ами́нь.

Великомученику
Георгию Победоносцу

О всехва́льный, святы́й великому́чениче и чудотво́рче Гео́ргие! Умоли́ Человеколю́бца Бо́га, ско́рый помо́щниче всех призыва́ющих тя, да не осу́дит нас, гре́шных, по беззако́нием на́шим, но да сотвори́т с на́ми по вели́цей Свое́й ми́лости и пода́ст правосла́вному Оте́честву на́шему и всему́ боголюби́вому во́инству на супоста́ты одоле́ние; да укрепи́т госуда́рство Российско́е непременя́емым ми́ром и благоволе́нием; изря́днее же да огради́т нас святы́х А́нгел Свои́х ополче́нием, во е́же изба́витися нам, по исхо́де на́шем из жити́я сего́, от ко́зней лука́ваго и тя́жких возду́шных мыта́рств его и неосужде́нным предста́ти Престо́лу Го́спода сла́вы. Ами́нь.

Благоверным князьям
страстотерпцам Борису и Глебу

О дво́ице свяще́нная, святи́и страстоте́рпцы Бори́се и Гле́бе, от ю́ности Христу́ ве́рою чи́стою и любо́вию послужи́вшии, и кровьми́ свои́ми, яко багряни́цею, украси́вшиися, и ны́не со Христо́м ца́рствующии! Бу́дите нам те́плии засту́пницы, огради́те всех нас от вся́кия ско́рби, озлобле́ния и внеза́пныя сме́рти. Мо́лим вас, христолюби́вии страстоте́рпцы, споспешеству́йте держа́ве Росси́йстей в побе́де на сопроти́вныя, я́коже не́когда благове́рному кня́зю Алекса́ндру Не́вскому, да несу́т росси́йстии во́ини страх враго́м и мир земли́ на́шей, да ти́хое житие́ поживу́т лю́дие во вся́ком благоче́стии и прославля́ют Бо́га, Отца́ и Сы́на и Свята́го Ду́ха. Ами́нь.

Благоверному князю
Александру Невскому

Ско́рый помо́щниче всех усе́рдно к тебе́ прибега́ющих, и те́плый наш пред Го́сподем предста́телю, святы́й благове́рный вели́кий кня́же Алекса́ндре! При́зри ми́лостивно на ны недосто́йныя, из глубины́ се́рдца к тебе́ взыва́ющия: ты в житии́ твое́м ревни́тель и заши́тник правосла́вныя ве́ры был еси́, и нас в ней те́плыми твои́ми к Богу моли́твами непоколеби́мы утверди́. Ты вели́кое возложе́нное на тя служе́ние тща́тельно проходи́л еси, и нас твое́ю по́мощию, пребыва́ти коего́ждо в не́же при́зван есть, наста́ви. Ты, победи́в полки супоста́тов, от преде́лов Росси́йских отгна́л еси́, и на нас ополча́ющихся всех ви́димых и неви́димых враго́в низложи́. Ты, оста́вив тле́нный вене́ц ца́рства земна́го, избра́л еси безмо́лвное житие́, и ны́не пра́ведно венце́м нетле́нным увенча́нный, на Небесе́х ца́рствуеши, исхода́тайствуй и нам, смире́нно мо́лим тя, житие́ тихое и безмяте́жное и к ве́чному Ца́рствию ше́ствие неукло́нное. Предстоя́ же со все́ми святы́ми Престо́лу Бо́жию, моли́ся о всех правосла́вных христиа́нех, да сохрани́т их Госпо́дь Бог Свое́ю благода́тию в ми́ре, здра́вии, долгоде́нствии и вся́ком благополу́чии в должа́йшая ле́та, да при́сно сла́вим Бо́га во Святе́й Тро́ице, Отца́ и Сы́на и Свята́го Ду́ха. Ами́нь.

Благоверному князю
Димитрию Донскому

О святы́й благове́рный вели́кий кня́же Дими́трие! А́ще и не мно́зи бы́ша дни́е земна́го жити́я твоего́, оба́че вели́к жре́бий прия́л еси от Соде́теля всех Го́спода, е́же просла́витися в земли́ Росси́йстей и блаже́нство ве́чное на Небесе́х полу́чити. Услы́ши нас, моли́твенниче те́плый, предста́телю наш пред Го́сподем неусы́пный! Во дни мира и в годину нестрое́ний не остави́ нас попече́нием твои́м. Научи́ ны поко́рны бы́ти Боже́ственному Промышле́нию, вся в житии́ на́шем ко бла́гу направля́ющему. Оте́чество на́ше моли́твами твои́ми от наше́ствий вра́жиих, раздо́ров и нестрое́ний защи́ти и укрепи́ те́плым твои́м предста́тельством, да зна́менается на нас свет Лица Бо́жия, и тем наставля́еми, дости́гнем Ца́рства Пра́вды Христо́вы, неконча́емаго и ве́чнаго. Ами́нь.

ПОСЛЕСЛОВИЕ

Текст данного краткого молитвослова православного воина соответствует избранным текстам молитв молитвословов, рекомендованных к публикации Издательским Советом Русской Православной Церкви ИС Р17-704-0163, ИС Р21-112-3177, ИС 12-213-1261, изданных Издательством Московской Патриархии Русской Православной Церкви.

Это издание молитвослова православного воина приурочено к празднованию в текущем 2025 году 80-летия Победы в Великой Отечественной войне 1941-1945 гг. Соответственно — и к теме XXXIII Международных Рождественских образовательных чтений, которой является «80-летие Великой Победы: память и духовный опыт поколений»². Так же — и объявленному на заседании Госсовета 20 декабря 2024 г. Президентом России Владимиром Путиным³ переходу от Года семьи к Году защитника Отечества. По Слову Божию: «Если же кто о своих и особенно о домашних не печется, тот отрёкся от веры и хуже неверного» (1Тим.5:8). Так Господь устами святыми апостола Христова предупреждает о важности заботы о своей семье, которая, без сомнения, неразрывно связана с заботой о своей Родине, как большой семье всего народа, от одних отцов и Отца Небесного получившего один удел своего Отечества.

Каждый такой удел является частью вечного Дома Божия, Святой Православной Церкви, во Христе Спасителе Православной Культуры, её всеобщих духовных ценностей, в том числе таких основополагающих, как служение Богу и ближнему, своей семье и Родине. Чтобы каждому человеку, семье и народу обретаемой так свыше крепостью и силой, служить всем людям и народам, их развитию, процветанию, свободе и благополучию, устойчивому миру во всём мире. Именно о таковых тружениках Христос говорит: «Блаженны... Блаженны миротворцы, ибо они будут наречены сынами Божиими» (Мф.5:9). Обретаемый так мир является состоянием порядка в отношениях с Богом и с ближним, человеком и народом, каким-либо сообществом и со всем человечеством. Эту цель ставит перед нами Господь и трудится в её достижении разными путями, в том числе посредством смиренных Ему душ.

«Святой лик! Священная дружина! Непоколебимый полк! Общие хранители человеческого рода! Добрые сообщники в заботах, споспешники в молитве, самые сильные ходатаи, светила вселенной, цвет Церквей!» - так говорит о сорока мучениках севастийских Василий Великий⁴. О воинах, сподобившихся служить царю и отечеству земному и Царю и Отечеству Небесному. «Чистотою душевною божественно вооружился, и непрестанные молитвы яко копьё в руки взяв крепко, пронзил бесовские ополчения...», - звучит в общем кондаке преподобному⁵. Где Господь открывает нам душевную чистоту и молитву в причастии Христу Спасителю, восстанавливаемому Им образу и подобию Божию, как оружие, которым должно вооружиться каждому человеку для победы над тёмными силами зла. Каждому и всем же должно быть созидателями и хранителями порядка и мира Божия, основания обретения благ века сего и будущего жизни вечной.

Во всей совокупности орудий победы молитвослов православного воина занимает своё место. Является неотъемлемой частью молитв Церкви Православной, для мирянина — частью личного Молитвослова с его утренним и вечерним правилом, и иными молитвами⁶. В понимании молитвы, её содержания и благости⁷. Учитывая предупреждение о необходимой для побед чистоте души, звучащее во всем Святом Писании и Предании Церкви, если «кто отклоняет ухо своё от слушания закона, того и молитва — мерзость» (Прит.28:9). Потому каждому человеку, как воину Христову необходимо во исполнение Евангелия, действием благодати Божьей освободиться от скверн и наполниться истиной в познании вероучения и жизни Православной Церкви. Наряду со всем, например, в изучении Катехизиса святителя Филарета⁸.

Победы же приходят человеку и народу не в попытке освоения исходящей от Бога мудрости и силы в отрыве от Бога, а в познании Самого Христа Спасителя и Бога, по Слову: «Хвалящийся хвались тем, что разумеет и знает Меня, что Я — Господь, творящий милость, суд и правду на земле; ибо только это благоугодно Мне, говорит Господь» (Иер.9:24). Потому блаженно познавшим Бога, как Отца и Сына и Святого Духа, как Христа Спасителя Сына Божия, святым молитвенникам и труженикам в причастии Христу Богу и Его Церкви, Телу Христа и Дому Божию, сонму святых среди тьмы греха, погибельного зла и злодеев, Господь говорит: «Дети! вы от Бога, и победили их; ибо Тот, Кто в вас, больше того, кто в мире» (1Ин.4:4). И это на пути спасения⁹ в жизнь вечную, к её благам века сего и будущего, во славу Божью.

Божьей помощи и побед в святых молитвах и трудах.

Редактор Калашников Ю.В.

СОДЕРЖАНИЕ

МОЛИТВЫ ПЕРЕД СРАЖЕНИЕМ

Тропарь Кресту

Кондак Кресту,

Тропари,

Кондак Пресвятой Богородице,

Молитва ко Господу

Молитва преподобного Симеона Нового Богослова

Молитва о стране и воинстве

МОЛИТВЫ БЛАГОДАРСТВЕННЫЕ ПОСЛЕ СРАЖЕНИЯ

ОКОНЧАНИЕ МОЛИТВ

ВО ВРЕМЯ БЕДСТВИЯ И ПРИ НАПАДЕНИыИ ВРАГОВ

Тропарь,

Кондак,

Псалом 90-й

Молитва Кресту Господню

Стихиры Кресту Господню

О НЕНАВИДЯЩИХ И ОБИДЯЩИХ НАС

Тропарь,

Кондак,

Молитва, умиревающая во вражде сущих

Молитва великомученика Феодора Стратилата

Молитва мученика Евтропия Воина в ранах и страданиях

МОЛИТВЫ СВЯТЫМ

Архистратигу Божию Михаилу

Мученику Иоанну Воину

Великомученику Георгию Победоносцу

Благоверным князьям страстотерпцам Борису и Глебу

Благоверному князю Александру Невскому

Благоверному князю Димитрию Донскому

ПОСЛЕСЛОВИЕ

Электронная почта: vcsl-k@ya.ru; sl@sancti.ru.

Опубликовано: 2025.01.04.

Молитвослов православного воина [Электронный ресурс] // Школа права. Электронные материалы журнала «Праведность и мир». ISSN 2078-8932. URL: http://sancti.ru/sl/hs/intr-pre/liturgy/praym.html, (дата публикации: 2025.01.04).

ПРАВИЛА САЙТА

ШКОЛА ПРАВА ИМЕНИ СВЯТОГО РАВНОАПОСТОЛЬНОГО ВЛАДИМИРА
© КАЛАШНИКОВ Ю.В. 2025